Монголын усан спортын холбооны нэрэмжит “Ерөнхийлөгчийн Цом 2023” тэмцээн энэ сарын 3-5-ны өдрүүдэд Улаанбаатар хотын Баянгол дүүргийн спорт хорооны бассейнд зохион байгуулагдлаа. Энэхүү тэмцээнд 27 клубийн 441 тамирчин хурд, хүчээ сорин өрсөлджээ.

      Энэ оны сүүлийн тэмцээнд “Wee Aquatics”  клубийн тамирчид хувийн амжилтаа ахиулаад зогсохгүй бахдам сайхан амжилтыг үзүүлжээ. Тус клубийн тамирчид 40 алт, 35 мөнгө, 38 хүрэл нийт 113 багц медалийн эзэд болж 1284 оноотойгоор хоёр дахь жилдээ цомын аварга багаар шалгарсан байна.

       Спортын мастерын болзлыг хоёр тамирчин биелүүлжээ. Одсүрэн овогтой Индра 100 м-ийн Backstroke 1:10.48 цагийн амжилтаар, Энхбаатар овогтой Анима 200 м-ийн Backstroke 2:34.49 цагийн амжилтаар биелүүлсэн байна.

     Харин спортын дэд мастерын болзлыг Баттөгс овогтой Хантөгс 100 м-ийн Backstroke 1:05.59 цагийн амжилтаар хангажээ. Энэ тэмцээнд хамгийн олон рекордыг эвдсэн анхны тамирчин ОУХМ Б.Энхтамир есөн зай төрөлд Монгол Улсын дээд амжилтыг шинэчлэн тогтоосон байна.

“Шилдэг эрэгтэй тамирчин”:

ОУХМ Б.Энхтамир

“Шилдэг эмэгтэй тамирчин”:

Спортын мастер О.Үжин нар боллоо.