Тайланд Улсын Бангкок хотноо байт харвааны  Азийн аварга шалгаруулах тэмцээн үргэлжилж байна. Энэ удаагийн Азийн аваргад Монголын байт харвааны Үндэсний шигшээ багийн найман тамирчин цэц мэргэнээ сорьж байгаа юм.

          Манай тамирчид энэхүү тэмцээнд Парисын олимпын наадмын эрэгтэй баг, эмэгтэй ганцаарчилсан болон багийн эрхийн төлөө өрсөлдөж байгаа юм. Монголын байт харвааны холбооны ерөнхийлөгч Х.Отгонтуяа Азийн байт харвааны холбооны 2023 оны конгресст оролцжээ. Тус хурлын дараа тамирчидтайгаа уулзаж, харвалтын талаар ярилцсан байна.  ОУХМ Ж.Гантөгс, Б.Отгонболд, Д.Дашнамжил нар Азийн наадмын урьдчилсан харвааны дүнгээ энэхүү тэмцээн дээр 5-20 оноогоор ахиулан харважээ.