Мэргэжлийн сүмо бөхийн 69 дэх их аварга Хакүхо Даваажаргалын нэрэмжит “Хакүхо цом” сүмо бөхийн тэмцээн 12 дахь жилдээ зохион байгуулагдах гэж байна. Тус тэмцээн энэ сарын 11-ний бямба гарагт 09:00 цагаас Баянгол дүүргийн Биеийн тамир, спорт зааланд болно. Энэхүү тэмцээнийг “Хакүхо сан” болон “Их Шавь” цогцолбор хамтран зохион байгуулдаг уламжлалтай.

            Тэмцээнд аймаг, нийслэлийн 10 жилийн дунд сургуулиудын 9 ,10,11,12 нас, 13-15 насны таван насны тамирчид өрсөлдөж, алт, мөнгө, хүрэл медалийн эздийг тодруулна. “Хакүхо цом” өсвөрийн тэмцээний ганцаарчилсан төрөл хасагдах журмаар явагдана.

           Нас, насны ангилалд медальт байр эзэлсэн болон амжилттай барилдсан хүүхдүүдийг бэлтгэлд хамрагдуулж 2024 оны хоёрдугаар сард Япон Улсын Токио хотод зохиогдох “Hakuho Cup” тэмцээнд оролцох найман хүүхдийг сонгон шалгаруулах юм.