Завхан аймгийн Сантмаргаз сумын үе үеийн төгсөлтийн дунд зохион байгуулдаг сагсан бөмбөгийн аварга шалгаруулах тэмцээнийг арваннэгдүгээр сарын 11-нд зохион байгуулахаар болжээ.

       Тодруулбал, тус сумын Залуучууд, оюутны холбооноос жил бүрийн хавар, намарт сагс болон гар бөмбөгийн тэмцээн зохион байгуулдаг бөгөөд төгсөлтүүдээс санаачлан ивээн тэтгэн оролцдог. Энэ намрын тухайд сумын сургуулийн 35-р төгсөлтийн хамт олон ивээн тэтгэж байгаа бөгөөд Залуучууд, оюутны холбооноос "Цаг баримтлах соёлыг түгээе" уриалгыг дэвшүүлж байгаагаараа онцлог юм. Ингэснээр цаг барих соёлыг түгээж, анги, төгсөлтүүд биенээ хүндлэх, цаашлаад олон тэмцээн, уралдаанд товлосон цагтаа оролцох жишгийг тогтоох олон давуу тал бий болох юм.