Олон улсын хэт холын марафон гүйлтийн холбооноос 50 км гүйлтийн ДАШТ-ийг Энэтхэг Улсын Hyderabad хотод энэ сарын 5-ны өдөр зохион байгууллаа. Тус ДАШТ-д ОУХМ Г.Бат-Эрдэнэ, Баянхонгор аймгийн Баян-Өндөр сумын уугуул, Зэвсэгт хүчний 015-р ангийн тамирчин, 2 цаг 58 минут 41 секунд гүйж 17-р байр эзэлж, Монгол Улсын рекордыг шинэчлэлээ. Тэрбээр 2019 онд 3 цаг 06 минутаар тогтоосон өөрийн рекорд амжилтыг ийнхүү ахиуллаа.

             Харин ОУХМ Б.Сарангуа, Сүхбаатар аймгийн Эрдэнэцагаан сумын уугуул, Дорнод аймгийн Зэвсэгт хүчний 327-р ангийн тамирчин, 3 цаг 41 минут 44 секунд гүйж 18-р байр эзлэн, хувийн рекордоо шинэчлэлээ. Тэрбээр зургаа болон 12 цагийн гүйлтийн Монгол Улсын рекордыг эзэмшигч юм.

           Мөн спортын мастер Б.Долгормаа, Төв аймгийн Эрдэнэсант сумын уугуул, 3 цаг 52 минут 18 секунд гүйж, 23-р байрт орлоо. Хилийн цэргийн 0208-р тусгай салбар, “Хилчин” спорт хорооны тамирчин тэрбээр 100 км гүйлтийн Ази тивийн аваргын тавдугаар байр, багийн мөнгөн медальтай юм.