Олон улсын тэшүүрийн холбооны календарчилсан төлөвлөгөөнд орсон “Danubia Series – Sofia Open 2023” шорт трекийн тэшүүрийн олон улсын тэмцээн Болгар Улсад зохион байгуулагджээ. Тус тэмцээний эрэгтэйчүүдийн 3000 м-ийн зайн багийн буухайд ОУХМ Э.Мөнх-Эрдэнэ, Т.Тэмүүлэн, Г.Мөнх-Эрдэнэ, С.Ганхөвсгөл нар 4:47.773 цагийн амжилтаар хүрэл медаль авсан байна.

           Алтан медалийг эзэн орон Болгарын баг хүртэж, мөнгөн медалийг Голланд, Хорват, Турк Улсын хамтарсан холимог баг хүртжээ. Манай багийн энэ амжилт түүхэндээ Монгол Улсын ахны албан ёсны эрэгтэй буухай 3000 м-ийн зайд үндэсний рекорд амжилт болж бичигдэж байна.

         Харин ОУХМ Б.Гэрэлтуяа эмэгтэйчүүдийн насанд хүрэгчдийн ангилалд нийлбэр дүнгээр алтан медалийн эзэн боллоо. Г.Мөнх-Эрдэнэ бас нийлбэр дүнгээрээ насан хүрэгчдийн ангилалд алтан медаль хүртжээ. “Junior-A” ангилалд нийлбэр оноогоороо ОУХМ Э.Мөнх-Эрдэнэ тавдугаар байрт хурдалжээ. Залуучуудын олимпын насны “Junior-B” ангилалд уралдсан Т.Тэмүүлэн, С.Ганхөвсгөл нар 7, 8-р  байрт шалгарч хувийн дээд амжилтаа шинэчиллээ.