Монголын сагсан бөмбөгийн 2019 оны “Оны шилдэг залуу тоглогч” Ганбатын Минжин энэ өдөр мэндэлжээ. Эрдэнэ хотоос Монголын эмэгтэй сагсан бөмбөгт хоёр ихэр сагсчин охид орж ирсэн нь Ганбатын Булган, Ганбатын Минжин нар байлаа. Харин Г.Минжин нь 3Х3-ын Монгол Улсын шигшээ багийн бүрэлдэхүүнд тоглож, “Токио-2020” олимпын наадмын эрх хүртэх боломжийг нээж “Хожлын шидэлт” хийсэн сагсчин билээ.

     Тэрбээр 2019 онд багаа манлайлан ФИБА 3х3-ын  “U23” насны дэлхийн аваргын зургадугаар байрт орсон. Энэхүү амжилт нь дэлхийн аваргын тэмцээнд Монголын эмэгтэй тамирчдын үзүүлсэн хамгийн өндөр амжилт юм.

        Ингэхдээ өмнөх  жилийн тэмцээнд шилдлэг дөрөвт орж байсан Германы баг болон Уганда, Иран Улсын шилдэг багуудыг хожсон. Энэхүү тоглолтуудад Монголын багаас хамгийн шилдэг тоглолтыг үзүүлсэн тоглогч бол Ганбатын Минжин байсан юм.