Чөлөөт бөхийн Үндэсний шигшээ багийн тамирчин, Азийн тивийн аварга шалгаруулах тэмцээний хүрэл медальт, ОУХМ Г.Ганхуяг энэ жилийн баяр наадмаар зургаа давж, улсын харцага цолтон болсон билээ. Монгол Улсын шинэхэн харцага Г.Ганхуягт, "Валькн групп" ХХК-ийн захирал, Ховд аймгийн Булган сумын уугуул Б.Тэмүүжин бүрэн тавилгатай гурван өрөө байрны батламж гардуулан өглөө. Мөн улсын заан Б.Бат-Өлзийд бүрэн тавилгатай хоёр өрөө байрны батламжийг гардуулан өгсөн байна.