Узбекистан Улсын Ташкент хотноо 2023 оны сурагчдын Ази тивийн аварга шалгаруулах тэмцээн долдугаар сарын 14-22-ны өдрүүдэд зохион байгуулагдаж байна. Манай улсаас дэлхийн шатрын холбооны мастер "ABC chess академи”-ийн дасгалжуулагч Б.Анугаар ахлуулсан 20 тамирчин, дөрвөн дасгалжуулагч Ташкентийн дэвжээнд тулалдаж байна. Өчигдөр явагдсан рапид төрөлд манайхан уламжлал ёсоороо сайн тоглож дөрвөн алт, нэг мөнгөн медалийн болзол хангажээ.

Долоо хүртэл насны охидын ангилалд И.Цэлмэг алтан медаль.

8-9 насны охидын ангилалд И.Цэлмүүн мөнгөн медаль.

10-11 насны охидын ангилалд Ц.Амин-Эрдэнэ алтан медаль.

12-13 насны хөвгүүдийн ангилалд  Г.Тэнгүүндалай алтан медаль.

16-17 насны хөвгүүдийн ангилалд Х.Өлзийхишиг алтан медаль тус тус хүртсэн байна.  Сурагчдын Ази тивийн аварга шалгаруулах тэмцээн өнөөдөр стандарт төрлөөр үргэлжилж байгаа.