Унгар Улсын Будапешт хотноо наймдугаар сарын 19-ний өдөр, хоёр жилд нэг удаа зохиогддог хөнгөн атлетикийн дэлхийн аварга шалгаруулах тэмцээн эхэлнэ. Хамрах цар хүрээ, нэр хүнд, оролцогчдын болон үзэгчдийн тоогоор дээгүүрт ордог хөнгөн атлетикийн дэлхийн аварга шалгаруулах 19 дэх удаагийн тэмцээн ес хоногийн турш үргэлжилнэ. "Спортын хатан хаан" хэмээх нэрлэгддэг хөнгөн атлетикийн дэлхийн аваргад Монголын дөрвөн тамирчин марафон гүйлтийн төрөлд оролцоно.