Хэнтий аймгийн Өмнөдэлгэр сум үүсэн байгууллагдасны 100 жилийн ойн хүрээнд 100 жил 100 км-ийн хэт холын гүйлтийг 10 цагийн хугацаанд гүйж барианд орох гүйлтийг хэт холын гүйлтийн хоёр тамирчин хийнэ. Хэт холын марафон гүйлтийн Ази тивийн аварга ОУХМ Шаравын Батсүх, Ариунжаргалын Дамаа нар хамт гүйхээр болжээ. Энэхүү марафон гүйлтийг энэ сарын 19-ний шилжих шөнө 00.00 цагаас эхлэн, энэ сарын 19-ний өглөө наадмын нээлтийн ажиллагаан дээр 10 цагаас гүйж орохоор төлөвлөж байгаа аж. Гүйлтийн маршрут Хэнтий аймгийн Цэнхэрмандал сум, Жаргалтхаан сум,Өмнөдэлгэр сум байх юм.