Чөлөөт бөхийн “U15”, “U20” насны Азийн аварга шалгаруулах тэмцээн өнөөдөр Йордан Улсын нийслэл Амманд хотод эхэлнэ. Монголын “U15” насны долоон тамирчин “Төгс” дэвжээний дасгалжуулагч, спортын мастер Ч.Пүрэвбаярын удирдлага дор оролцохоор Амманд очсон байгаа.

         Тэгвэл “U20” насны ангилалд найман тамирчин хүч үзэхээр болжээ. Эрэгтэйчүүдийн 57 кг-ын жинд Л.Мөнх-Од, 74 кг-д Б.Батбаяр, 79 кг-д Т.Дэмчигдорж, 92 кг-д Д.Дэлгэрдалай, эмэгтэйчүүдийн 59 кг-д Ү.Ундралмаа нар барилдана. Тэдэн дээр Япон Улсад төрж өссөн эгч дүүс Бямбасүрэнгийн Хулан, Б.Халиун болон тус улсад сурдаг улсын начин Ду.Батбаярын хүү Намбардагва нар нэмэгдэж барилдах юм.