Хөвсгөл аймаг байгуулагдсаны түүхт 92 жилийн ойн баяр наадамд 128 бөх барилдсанаас Цагаан-Үүр сумын харьяат сумын заан М.Цэрэн түрүүлжээ. Тариалан сумын уугуул аймгийн харцага Ж.Хатанзориг үзүүрлэж аймгийн заан цол хүрсэн бол Галт сумын харьяат сумын заан Цэдэндаш аймгийн начин болсон байна. Тосонцэнгэл сумын харьяат аймгийн начин Бадарчийн Төрбадрах тав давж аймгийн начин цолоо баталжээ. Тус аймгийн баяр наадамд улсын начин дөрөв, аймгийн арслан зургаа, аймгийн заан долоо, аймгийн харцага хоёр, аймгийн начин 13, сумын заан 20 нийт 128 бөх барилдсан байна.