Орхон аймгийн баяр наадамд улс аймгийн цолтой 128 бөх зодоглосноос Хөвсгөл аймгийн уугуул Хөвсгөлийн хүчтэн дэвцээний бөх аймгийн начин П.Хүрэлбаатар түрүүлж, Орхон аймгийн “Ирээдүй-Одод” сургуулийн бөх, чөлөөт бөхийн улсын шигшээ багийн тамирчин, олон улсын хэмжээний мастер, цэргийн харцага Б.Бат-Эрдэнэ үзүүрлэсэн байна. Мөн баяр наадмын тавын даваанд Говь-Алтай аймгийн Цогт сумын харьяат залуу бөх З.Галт-Очир эр уртай барилдаанаараа аймгийн начин цолны болзол хангаж, өнгөтэй сайхан нааджээ.