Жүдо бөхийн Үндэсний шигшээ баг, “Алдар” спорт хорооны тамирчин ОУХМ Г.Алтанбагана энэ жил Төв аймгийн наадамд барилдав. “Жакарта-2018” Азийн наадмын мөнгө, Азийн аварга шалгаруулах тэмцээний хүрэл, гранд слам, гран при тэмцээний нэг алт, дөрвөн мөнгө, долоон хүрэл медальт, жүдо бөхийн ОУХМ, Төв аймгийн Бүрэн сумын залуу бөх Гантулгын Алтанбагана Төв аймгийн баяр наадамд тав давж аймгийн начин цол хүртлээ.

           Г.Алтанбаганаа мастер Төв аймгийн наадамд хоёрын даваанд улсын начин Б.Чимэдвандан, гуравт аймгийн хурц арслан О.Гантулга, дөрөвт улсын заан Ц.Баярсайхан, тавд улсын заан Д.Амгаланбаатар нарыг тус тус давсан юм.
Ийнхүү жүдогийн үндэсний шигшээ багийн 90, -100 кг-ын жингийн шилдэг мастерууд болох залуу бөх Б.Алтанбагана, Б.Гончигсүрэн нар хэдхэн хоногийн зайтай аймгийн наадмуудад тав давж начин цол хүртцгээлээ