Япон Улсын Шизүока мужийн Изүнокүни хотын захиргааны төлөөлөгчид Монголын Жүдо академийн бэлтгэлтэй танилцаж, дасгалжуулагч тамирчдад маань амжилт ялалтыг хүслээ. Мөн Жүдо академитай тогтоосон харилцаа холбоогоо бэхжүүлж, хамтын нөхөрлөлөө өргөжүүлэн тэлэх тухай санал бодлоо солилцон уулзалт зохион байгуулсан юм.

          Алдарт Фүжи уулын хормойд оршдог, аялал жуулчлал өндөр хөгжсөн Изүнокүни хотод Монголын Жүдо академийн баг тамирчид 2019 оноос хойш тогтмол зочилж хамтарсан бэлтгэл, тэмцээн уралдаанд оролцож байгаа билээ. Мөн зөрүүлээд тус хотын удирдлага болон өсвөрийн баг тамирчдыг Жүдо академи эх орондоо хүлээн авч хамтарсан бэлтгэл хийдэг уламжлалтай. Энэ жил ч гэсэн Монголын Жүдо академийн өсвөрийн тамирчид маань Изүнокүни хотод зочилж ур чадвараа сорин өрсөлдөж, хамтарсан бэлтгэл хийх болно.