Тулгар төрийн 2232 жил, Их Монгол Улс байгуулагдсаны 817 жил, Үндэсний эрх чөлөө, Тугаар тогтнолоо сэргээн мандуулсны 112 жил, Ардын хувьсгалын 102 жилийн ой баярыг тохиолдуулан Монгол Улсын Ерөнхийлөгчийн зарлигаар боксын спортын “Ташкент-2023” насанд хүрэгчдийн ДАШТ-ний мөнгөн медальт, "Алдар" спорт хорооны тамирчин, ахлах ахлагч Б.Чинзориг Монгол Улсын гавьяат тамирчин цолоор энгэрээ мялаалаа.

           Ахлах ахлагч Б.Чинзориг нь Армийн дэлхийн аварга, Ази тивийн алт, мөнгө, хүрэл медальтай. Тэрбээр олимпын наадамд эх орноо төлөөлөн хоёр удаа оролцсон шилдэг тамирчин юм. Б.Чинзориг "Алдар"-ын гэдгээрээ танигдсан Монгол Улсын гавьяат дасгалжуулагч, хошууч А.Гантулгын шавь юм. Хошууч А.Гантулга багш “Алдар” спорт хороотой 14 настайгаасаа л өсвөрийн тамирчин нь болж холбогдсоноосоо хойш өдийг хүртэл тамирчнаас дасгалжуулагч, ахлах дасгалжуулагчаас гавьяат дасгалжуулагч болтлоо ажиллаж байгаа билээ.