Хөвсгөл аймгийн шатрын холбоо санаачлан Монголын шатрын холбоо хамтран зохион байгуулагчаар оролцдог "ХӨВСГӨЛ ЦОМ 2023" орон нутгийн багийн улсын аварга шалгаруулах тэмцээн өндөрлөв. Энэ удаагийн тэмцээн долдугаар сарын 1-3-ны өдрүүдэд хоёр дахь жилдээ зохион байгуулагдаж дүнгээ гаргасан.

             Энэ жил илүү өргөн цар хүрээг хамарч оролцож буй багуудын тоо эрс нэмэгдэж тэр чинээгээрээ өрсөлдөөн дээд цэгтээ хүрч шинэ аварга ч төрлөө. Тус тэмцээнд 13 аймгийн 15 багийн 135 тамирчин оролцсон байна. Тэмцээнд оролцсон нийт тамирчдын 30 хувь нь буюу 39 шатарчин олон улсын болон дотоодын цолтой шатарчид байжээ.

Олон улсын мастер -1

Эмэгтэй их мастер -1

Дэлхийн шатрын холбооны мастер-1

Спортын мастер -10

Спортын дэд мастер -26

Тэмцээн долоон тойргоор швейцарь системээр явагдаж шилдэгүүдээ тодруулсан байна.

1-р байр ДАРХАН-УУЛ АЙМАГ

20 сая төгрөг

2-р байр ОРХОН АЙМАГ

12 сая төгрөг

3-р байр ХЭНТИЙ АЙМАГ

8 сая төгрөг

4-р байр СЭЛЭНГЭ АЙМАГ

2 сая төгрөг

5-р байр ДОРНОД АЙМАГ

1 сая төгрөг

Мөн ширээ бүртээ хувийн дүнгээр тэргүүлсэн тоглогчийг мөнгөн шагналаар урамшуулжээ.