"Монреаль-1976" олимпын наадмын аварга, дэлхийн гурван удаагийн аварга, ОХУ-ын алдарт бөх Павел Пинигиний нэрэмжит өсвөр үеийн олон улсын тэмцээн ОХУ-ын Якутад боллоо.

          Бага насны ангилалд "Дархан-Эрхэт" клубийн тамирчин Болортуяагийн Билгүүн 26 кг-ын жинд, тус клубийн Нямдоржийн Нямсүлд 30 кг-д, "Заан" клубийн тамирчин М.Дөлгөөн 100 кг-д тус бүр хүрэл медалиар энгэрээ мялаасан байна.

        Энэ удаагийн тэмцээнд Монгол, Тажикстан, Киргизстан, Казахстан, Беларусь, ОХУ-ын Саха, Тува, Кемерово, Буриад, Эрхүү, Приморийн хязгаарын өсвөр үеийн бөхчүүд хүчийг үзсэн бөгөөд бага жингүүдэд 45-70 хүүхэд оролцож 7-10 барилдаан хийж медаль хүртжээ.