Япон Улсын Осака мужийн “Bodymaker presents Gladiator 022” холбооноос зохион байгуулсан тэмцээний 61.2 кг жинд А.Тэмүүлэн аварга боллоо. Бокс, кик бокс, муатай бокс, жүдо, чөлөөт бөх зэрэг гар оролцохоос гадна босоо, хэвтээ барилдаанаар тулалддаг холимог тулааны спортоор А.Тэмүүлэн зургаа дахь жилдээ хичээллэж байгаа юм Тэрбээр гуравдугаар сард “Гладиатар” холбооны номер нэгийн төлөө тулалдаж, аваргын төлөө тоглох эрхийн болзлоо хангасан.

            Улмаар зургадугаар сард Япон Улсад Японы бүсний аварга тулаанчтай тулалдаж эхний раундад илт давуу ялалт байгуулснаар, аваргын бүсийг хүртжээ. “Ширэн бээлий” клубийн гавьяат дасгалжуулагч Д.Төрбат, Ч.Бат-Амгалан, Г.Чулуунхуяг багш нарын удирдлаган дор бэлтгэн ханган гараагаа эхэлсэн залуу тамирчин А.Тэмүүлэн өнгөрсөн зургаа жилийн хугацаанд мэргэжлийн 11 тулаан хийж, дөрвөн хожигдол, долоон ялалттай яваа юм.