Герман Улсын Берлин хотноо зохиогдсон тусгай олимпын наадмаас монголын хоёр эмэгтэй жүдочин, Х.Мөнхжаргал мөнгө, И.Маралмаа хүрэл медаль хүртжээ. Дөрвөн жил тутамд зохиогддог тус наадамд  Монгол Улсаас дөрвөн жүдоч оролцсон байна. Тусгай олимп нь оюуны ялгаатай хөгжилтэй хүүхэд залуус, насанд хүрэгчдийг спортын уралдаан тэмцээнээр дамжуулан нийгэмшүүлэх, зорилготой олимп юм. Тус наадамд манай жүдо бөхийн дасгалжуулагчаар “Хилчин” спорт хорооны жүдо бөхийн дасгалжуулагч ОУХМ Г.Түвшинжаргал, ОУХМ Б.Мөнхтуяа нар ажиллаж байгаа юм.