“Гэгээн арвай” клубийн тамирчин Н.Содгэрэлт хүүхдийн спортын VII их наадмын хошой аварга боллоо. Тодруулбал, Монголын хүүхдийн спортын зуны VII их наадам энэ жил Баянхонгор аймагт болж, өндөрлөсөн. Наадамд  5000 гаруй хүүхэд оролцсон бөгөөд шатрын төрөлд 20 аймаг, нийслэлийн долоон дүүргээс шалгарсан 54 тамирчин 11-12 насны хөвгүүд, охид өрсөлдсөн байна.

       Н.Содгэрэлтийн хувьд энэ оны аравдугаар сард Өсвөрийн шатарчдын дэлхийн аварга шалгаруулах тэмцээн, шатар сонирхогчдын дэлхийн аварга шалгаруулах тэмцээнд оролцохоор бэлтгэл сургуулилтаа хийж байгаа аж.

           Дөрвөн наснаасаа эхлэн шатар тоглож эхэлсэн тэрбээр Өсвөрийн шатарчдын улсын аварга шалгаруулах тэмцээний алт, мөнгө, хүрэл медаль, Өсвөрийн шатарчдын 'Цодгор Хүү' Улсын аварга шалгаруулах тэмцээний хошой алтан медаль, дөрвөн жилд нэг удаа зохиогддог Хүүхдийн Их Наадмын эмэгтэй шатрын төрөлд хошой алтан медаль, Сурагчдын дэлхийн аварга шалгаруулах тэмцээний хошой хүрэл медаль, бусад нэрэмжит тэмцээнд 30 гаруй түрүүлсэн амжилтыг үзүүлээд байна.