Монголын хүүхдийн спортын зуны VII наадмын хөл бөмбөгийн шигшээ тэмцээн Улаанбаатар хотод зургадугаар сарын 16-23-ны өдрүүдэд болж өндөрлөлөө. Шигшээ тэмцээнд аймаг, дүүргээс шалгарсан 15 баг өрсөлдснөөс алтан медалийг П.Мөнхбат дасгалжуулагчтай, Б.Батжавхлан ахлагчтай Баянгол дүүргийн баг хүртэв. Харин Ш.Ган-Эрдэнэ дасгалжуулагчтай Д.Денис ахлагчтай Хан-Уул дүүрэг мөнгө, Х.Цэнд-Аюуш дасгалжуулагчтай Б.Сүлд-Эрдэнэ ахлагчтай Сүхбаатар дүүргийн баг хүрэл медалийн эзэд боллоо.