2024 оны Парисын олимпын наадмын оноо олгох дэлхийн өндөр зэрэглэлийн “Улаанбаатар их дуулга-2023” цуврал тэмцээн өнөөдөр “Steppe Arena”-д эхэлж байна. Энэ сарын 23-25-ны өдрүүдэд болох тэмцээнд дэлхийн 44 орны эрэгтэй 183, эмэгтэй 161, нийт 344 тамирчин оролцож байгаа. Энэ удаагийн гранд слам тэмцээнийг хоёр дахь жилдээ Монгол Улсын Ерөнхийлөгч У.Хүрэлсүхийн ивээл дор зохион байгуулж байгаа юм.

Эрэгтэйчүүдийн 60 кг-ын “А” хэсгийн нэгдүгээр тойрогт Б.Цогт-Очир Германы Moritz Piafky-тай таарсан. Түүнийг ялах юм бол хоёрдугаар тойрогт Казахстаны Nurkanat Serikayev-тай барилдана. “В” хэсгийн нэгдүгээр тойрогт К.Ёолк Хонконгийн Lai Yiu Long-той хүч үзнэ. Түүнийг буулган авч чадвал хоёрдугаар тойрогт Өмнөд Солонгосын Jeon Seun Beom-той барилдахаар байна.

Энэ жингийн “С” хэсгийн нэгдүгээр тойрогт Э.Сумъяабазар гоц мөргөн хийлж ялалт авсан байгаа. Хоёрдугаар тойрогт тэрбээр Португаль, Австралийн бөхчүүдийн хэн ялсантай таарна. “D” хэсгийг Э.Ариунболд тэргүүлэн барилдана. Тэрбээр нэгдүгээр тойрогт гоц мөргөн, хийлж ялалт авсан байгаа. Хоёрдугаар тойрогт Тажикстан, Английн бөхчүүдийн хэн ялсантай таарна.

66 кг-ын жингийн бүх бөхчүүдийг Ё.Басхүү манлайлан барилдана. Тэрбээр “А” хэсгийн нэгдүгээр тойрог гоц мөргөн, хийлж ялалт авсан байгаа.  Хоёрдугаар тойрогт Казахстаны Gumar Kyrgyzbayev, Хонконгийн Martin Lay нарын хэн ялсантай хүч сорино. Энэ жингийн “В” хэсгийн нэгдүгээр тойрогт Л.Өнөболд Лативын бөхтэй барилдана. Хэрэв түүнийг ялах юм бол хоёрдугаар тойрогт Францын Maxime Gobert-той тулна.

“С” хэсгийг Б.Эрхэмбаяр тэргүүлэн барилдана. Тэрбээр нэгдүгээр тойрогт гоц мөргөн ялалт авсан байгаа. хоёрдугаар тойрогт Киргизстан, Туркменстаны бөхчүүдийн хэн ялсантай хүч үзнэ. “D” хэсгийн нэгдүгээр тойрогт Г.Сод-Эрдэнэ АНУ-ын бөхтэй таарсан байгаа. Хэрэв түүнийг ялах юм бол хоёрдугаар тойрогт Орос, Испанийн бөхчүүдийн хэн ялсантай барилдана. Арабын Нэгдсэн Эмират Улсын нэр дээр барилдаж буй Б.Нармандах, Английн бөх Alhexander Short-тай барилдана. Түүнийг буулган авч чадвал хоёрдугаар тойрогт Өмнөд Солонгосын дэлхийн Ан Баултай таарна.

73 кг-ын жинд Ц.Цогтбаатар, Л. Анхзаяа нар энэ удаа өнжиж байна. Энэ жингийн “А” хэсгийн нэгдүгээр тойрогт О.Уранбаяр Азербайжаны Ibrahim Aliyev-тай таарсан. Түүнийг буулган авч чадвал хоёрдугаар тойрогт Казахстаны Daniyar Shamshayev-тай хүч сорих юм. “В” хэсгийн нэгдүгээр тойрогт Б.Эрдэнэбаяр гоц мөргөн ялалт авсан байгаа. Хоёрдугаар тойрогт тэрбээр Английн Oliver Short-той таарсан. “С” хэсгийн нэгдүгээр тойрогт Л.Энхдөл гоц мөргөн ялалт авсан байгаа. Хоёрдугаар тойрогт тэрбээр  Азербайжаны Nurlan Osmanov-той таарсан. “D” хэсгийн нэгдүгээр тойрогт А.Өсөхжаргал Испанийн Olalla Aranda-тай барилдана. Хэрэв түүнийг буулган авч чадвал хоёрдугаар тойрогт  Финландын бөх Valtteri Olin-той таарна.

81 кг-ын жингийн “А” хэсгийн нэгдгээр тойрогт Э.Батцагаан, Ирландын Eoin Fieming-тэй таарсан. Түүнийг ялах юм бол хоёрдугаар тойрогт Казахстан, Германы бөхчүүдийн хэн ялсантай барилдана. Энэ жингийн “В” хэсгийн нэгдүгээр тойрогт Б.Баяндүүрэн, Бахрейны Askerbi Gerbekov-той таарсан байгаа. Түүнийг буулган авч чадвал хоёрдугаар тойрогт Канад, Португалийн бөхчүүдийн хэн ялсантай барилдах оноолт таарна. “С” хэсгийн нэгдүгээр тойрогт  Б.Болор-Очир АНУ-ын Kell Berliner-тай барилдана. Хожвол хоёрдугаар тойрогт  Австри, Португалийн бөхчүүдийн хэн ялсантай барилдах юм. “D” хэсгийн нэгдүгээр тойрогт Б.Батболд, Испанийн бөхийг ялах юм бол хоёрдугаар тойрогт Өмнөд Солонгос, Ирландын бөхчүүдийн хэн ялсантай барилдана.

90 кг-ын жингийн “А” хэсгийн нэгдүгээр тойрогт Г.Алтанбагана Өмнөд Солонгосын Lee Sungho-той барилдана. Түүнийг буулган авч чадвал хоёрдугаар тойрогт ОХУ-ын Mansur Lorsanov, Азербайжаны  Eljan Hajiyev  нарын хэн ялсантай таарна. “В” хэсгийн нэгдүгээр тойрогт Ц.Даваадорж, Румыны Vlad Visan-тай таарсан. Түүнийг буулган авч чадвал хоёрдугаар тойрогт Киргизстаны Erlan Sherov-той барилдана.

“С” хэсгийн нэгдүгээр тойргийн барилдаанд Ц.Ган-Эрдэнэ, Азербайжаны Murad Fatiyev-тай таарсан байгаа. Хэрэв түүнийг ялах юм бол хоёрдугаар тойрогт ОХУ-ын Yahor  Varapayeu , Өмнөд Солонгосын Han Juyeop нарын хэн ялсантай барилдана. “D” хэсгийн нэгдүгээр тойрогт Г.Пунцагцэрэн, Канадын Louis Gagnon Krieber-тай барилдана. Хэрэв түүнийг буулган авч чадвал хоёрдугаар тойрогт Унгар, Грекийн бөхчүүдийн хэн ялсантай таарна.

-100 кг-ын жингийн “А” хэсгийн нэгдүгээр тойрогт Б.Хүдэрчулуун, Өмнөд Солонгосын Won Jonghoon-той барилдана. Түүнийг ялж чадвал хоёрдугаар тойрогт Азербайжаны  Zelym Kotsoiev-той тарах болно. “В” хэсгийн нэгдүгээр тойрогт Б.Сумъяабазар, Австрийн бөх Laurin Boehler-той барилдана. Түүнийг ялж чадвал хоёрдугаар тойрогт Португалийн бөх дэлхийн аварга Jorge Fonseca-тай таарна. “С” хэсгийн нэгдүгээр тойрогт Б.Гончигсүрэн, ОХУ-ын Daniel Mukete-тай таарсан. Түүнийг буулган авч чадвал хоёрдугаар тойрогт Япон, Өмнөд Солонгосын бөхчүүдийн хэн ялсантай хүч сорино. “D” хэсгийн нэгдүгээр тойрогт Г.Хангарьд, Германы George Udsilauri-тай барилдана. Түүнийг ялж чадвал хоёрдугаар тойрогт Гүрж, Казахстаны бөхчүүдийн хэн ялсантай таарна.

+100 кг-ын жингийн бүх бөхчүүдийг О.Цэцэнцэнгэл тэргүүлэн барилдана. Тэрбээр нэгдүгээр тойрогт гоц мөргөн хийлж ялалт авсан байгаа. Хоёрдугаар тойрогт ОХУ, Казахстаны бөхчүүдийн хэн ялсантай барилдана. Энэ жингийн “В” хэсгийн нэгдүгээр тойрогт Т.Хангал, Польшийн бөх Kacper Szczurowski-той таарсан байгаа. Түүнийг буулган авч чадвал хоёрдугаар тойрогт Өмнөд Солонгосын Kim Minjiong-той барилдана. “С” хэсгийн нэгдүгээр тойрогт Т.Мөнгөн-Эрдэнэ гоц мөргөн ялалт авсан. Тэрбээр хоёрдугаар тойрогт Азербайжаны Ushangi Kokauri-тай таарсан. “D” хэсгийн нэгдүгээр тойргийн барилдаанд Ө.Пэрэнлэйжамц, Өмнөд Солонгосын Youn Jaeu-тай таарсан. Хэрэв түүнийг буулган авч чадвал хоёрдугаар тойрогт ОХУ-ын Inal Tasoev-тай хүч сорих болно.