ОХУ-ын Улаан-Үд хотноо “U10”, “U13” хоер насны хүүхдийн шайбтай хоккейн аварга шалгаруулах тэмцээн болж өнгөрлөө. Тус тэмцээнд ОХУ-ын Улаан-Үд, Эрхүү, Ангарск, Байкалск, Красноярскийн "Металлург", "Рудник" зэрэг 10  багийн тамирчид өрсөлдсөн бол манай улсаас "Мэргэн" хоккейн академийн "Бамбарууш" баг 12-13 насны ангилалд, “Дэгдээхэй” баг 10-11 насны ангилалд өрсөлдөж аваргын алтан медаль хүртжээ. Ингэснээр монгол хүүхдүүд түүхэндээ анх удаа хоккейн эх орон ОХУ-д  болсон тэмцээний хошой аварга болж байна.