Монголын хүүхдийн спортын VII их наадмын хөнгөн атлетикийн тэмцээн өчигдөр Налайх дүүрэгт болж өндөрлөсөн билээ. Дархан-Уул аймгийн гүйлтийн цанын тамирчин спортын мастер Наранбатын Нандинцэцэг хөнгөн атлетикийн тэмцээнээс медаль хүртсэн. Ийнхүү тэрбээр Монголын Хүүхдийн спортын VII их наадмын өвөл, зуны хоёр наадмын хоёр өөр төрөл болох цана, хөнгөн атлетикийн тэмцээнд оролцож медаль хүртсэн Дархан-Уул аймгийн өсвөрийн анхны тамирчин болжээ.