Азербейжан Улсын нийслэл Баку хотноо 2023 оны долдугаар сарын 30-аас наймдугаар сарын 24-ний өдрүүдэд зохион байгуулагдах 2023 оны "ДЭЛХИЙН ЦОМ"-ын тэмцээнд оролцох тамирчныг тодруулах дотоод сонгон шалгаруулах тэмцээнийг Монголын шатрын холбоо эрэгтэй, эмэгтэй төрлөөр зохион байгуулж байна.

Эрэгтэй тамирчныг сонгон шалгаруулах тэмцээнийг энэ сарын 19-20-ны өдрүүдэд "Дүүрэн" төвийн байранд амжилттай зохион байгууллаа. "ДЭЛХИЙН ЦОМ 2023" тэмцээний эрхийн төлөө дараах тамирчид тойргийн системээр өрсөлдсөн.

ИМ Б.Гүндаваа

ОУМ С.Ган-Эрдэнэ

ОУМ Г.Амартүвшин

"Гэгээн арвай" клубийн тамирчин, Олон улсын мастер Г.Амартүвшин сонгон шалгаруулах тэмцээнд түрүүлж "ДЭЛХИЙН ЦОМ" тэмцээнд оролцох Монгол Улсын дөрөв дэх тамирчнаар тодорлоо. Энэ жил 18 настай Г.Амартүвшин "ДЭЛХИЙН ЦОМ" тэмцээнд анх удаа дэлхийн шилдэг шатарчидтай өрсөлдөнө.