Монголын хүүхдийн спортын VII наадмын крикетийн шигшээ тэмцээн Баянхонгор аймгийн крикетийн талбайд өнөөдөр эхэллээ. Манай улсад шинэ тутам хөгжиж байгаа крикетийн спорт нь анх удаа хүүхдийн спортын их наадмын хөтөлбөрт багтсан юм. Крикетийн шигшээ тэмцээнд нийслэлийн дөрвөн дүүрэг болон дөрвөн аймгийн төлөлөл болсон 12 баг оролцож байна.

      Орон нутгаас Говь-Сүмбэр, Дархан-Уул, Хэнтий, Баянхонгор аймгийн багууд оролцож байгаа бол Улаанбаатар хотоос Хан-Уул, Сонгинохайрхан, Сүхбаатар, Баянзүрх дүүргийн багууд өрсөлдөж байна. Монголын крикетийн холбоо өнгөрсөн онд олон улсын холбоонд элсэж тив дэлхийн тэмцээнүүдэд тамирчдаа оролцуулах эрхтэй болсон юм. Тиймээс энэ удаагийн хүүхдийн их наадмаас өсвөрийн шигшээ баг бүрдүүлэхээр төлөвлөжээ. Монголын хүүхдийн спортын VII их наадмын крикетийн шигшээ тэмцээн 27-ны өдөр өндөрлөнө