Олон улсын таэквондогийн Монголын холбооны “УЛААНБААТАР ХОТЫН АВАРГА” шалгаруулах тэмцээн энэ сарын 18-19-ний хооронд амжилттай болж өндөрлөлөө. Энэ удаагийн тэмцээнийг  Нийслэлийн Засаг даргын Тамгын газар, Чингэлтэй дүүргийн Засаг даргын Тамгын газар дэмжин ажиллав. Тэмцээнд 23 байгууллагын 400 гаруй тамирчин ур чадвар авхаалж самбаагаараа өрсөлдөж шилдэгүүдээ тодрууллаа. Багийн дүнгээр: “Мөнх Хөх Сүлд” клуб тэргүүн байр, хоёрдугаар байрт “Чоно” клуб, гуравдугаар байрт Монголын үндэсний их сургуулийн баг орсон байна. Тэмцээний “Шилдэг шүүгч”-ээр: улсын шүүгч Б.Оюунжаргал, “Шилдэг дасгалжуулагч”-аар: Д.Аюурзана, “Шилдэг тамирчин”-аар: “Хаадын зарлиг” клубийн Ган-  Очир, "Дайчин Ямухай" клубийн Алтансувд нар шалгарчээ.