Спортын гимнастикийн насанд хүрэгчдийн арав дахь удаагийн Ази тивийн аварга шалгаруулах тэмцээн Сингапур Улсад зургаадугаар сарын 13-18-ны өдрүүдэд боллоо. Манай улсаас гимнастикийн Үндэсний шигшээ багийн тамирчин, ОУХМ Эрхэмбаярын Өсөхбаяр харайлтын төрөлд шигшээд шалгарч улмаар тэмцээний сүүлийн өдөр буюу өчигдөр 2023 оны зургадугаар сарын 18-ны өдөр шигшээ тэмцээнд тавдугаар байрт шалгарч оролцлоо.

         Түүнтэй шигшээ тэмцээнд өрсөлдсөн тамирчид бүгд олимп, дэлхийд өрсөлдөж медальт байрт шалгарч байсан шилдэг тамирчид байлаа. Манай эрэгтэй гимнастикчид маань энэ удаагийн Ази тивийн аваргад бүтэн багаараа, хоёр шүүгчтэй оролцсон юм.