Монголын боксын Үндэсний шигшээ баг Холбооны Бүгд Найрамдах Герман Улсыг зориод удаагүй байгаа билээ.  Манай багийн 19 тамирчид, гурван  дасгалжуулагчийн хамтаар Холбооны Бүгд Найрамдах Герман Улсын Олимпын бэлтгэлийн бааз дээр хамтарсан бэлтгэлд гараад байна. Герман Улсын Боксын Холбоо манай баг, тамирчдыг халуун дотноор хүлээн авчээ. Биеийн тамир, спортын улсын хорооны бие төлөөлөгч С.Баясгалан хоёр орны боксын холбооны гүүр болж ажиллаж байгаа юм байна. Энэ удаагийн хамтарсан бэлтгэлд Швед, Латви, Норвеги, Чех, Куба, Герман, Монгол гэсэн орнууд хамрагдаж байгаагаар онцлогтой аж.