Монгол Улсын Ардын багш, Монгол Улсын гавьяат дасгалжуулагч, академич, профессор ОУХМ Д.Банди багшийн нэрэмжит бага насны боксчдын улсын аварга шалгаруулах "Олимпын гараа" тэмцээн өндөрлөж байна. Бага насны боксчдын "ОЛИМПЫН ГАРАА"  улсын аварга шалгаруулах тэмцээн  энэ сарын 13-17-ны өдрүүдэд Үндэсний цэцэрлэгт хүрээлэнд зохион байгуулагдлаа. Тус тэмцээнд нийт 49 багийн 474 тамирчин өрсөлдөж “Lakva boxing promotions” клубийн тамирчид хоёр мөнгө, хоёр хүрэл медаль хүртэв. Хөвгүүдийн +60 кг-ын жинд  А.Буянт-Ухаа мөнгө, 54 кг-д Г.Тамир мөнгө, 52 кг-д Б.Энх-Амар хүрэл, +54 кг-ын жинд Ж.Эрхэмбаяр хүрэл медаль тус тус хүртсэн байна.