Азербейжан Улсын нийслэл Баку хотноо 2023 оны долдугаар сарын 30-аас наймдугаар сарын 24-ний өдрүүдэд зохион байгуулагдах 2023 оны дэлхийн цомын тэмцээнд оролцох тамирчныг тодруулах дотоод сонгон шалгаруулах тэмцээнийг Монголын шатрын холбоо эрэгтэй, эмэгтэй төрлөөр зохион байгуулж байна. Энэ сарын 14-15-ны өдрүүдэд эмэгтэй тамирчныг сонгон шалгаруулах тэмцээнийг "Дүүрэн" төвийн байранд амжилттай зохион байгууллаа.

          Дэлхийн цом 2023 тэмцээний эрхийн төлөө дараах тамирчид тойргийн системээр өрсөлдсөн А.Энхтуул, Т.Мөнхзул, Б.Баярмаа. Дүн гарахад хоёр хожилтой Үндэсний шигшээ баг, "Кайсса" клубийн тамирчин, их мастер Т.Мөнхзул хожигдолгүй түрүүлж дэлхийн цомын тэмцээнд оролцох Монгол Улсын гурав дахь тамирчнаар тодорлоо.