“Таван Богд” группийн эв нэгдлийн илэрхийлэл болсон “TBG Championship 2023” спортын зургаан төрөлтийн аварга шалгаруулах тэмцээн амжилттай зохион байгуулагдлаа. Энэ удаагийн тэмцээнд нийт 21 салбар компанийн 6000 гаруй ажилтны төлөөлөл 800 гаруй баг, тамирчин оролцож хурд хүч, авхаалж самбаа, оюун ухаанаа уралдуулан спортоор амьсгалсан өдрүүд болж өнгөрлөө. Тэмцээний багийн нэгдсэн оноог бага онооны системээр гаргаж нийлбэр дүнгээр “Говь ХК” баг тамирчид тэргүүлж, “Таван Богд Фүүдс пицца” удаалж, “Таван Богд Финанс” ББСБ гуравдугаар байрт орж, 2023 оны аваргууд тодорсон байна.