Эрдэнэт хотод Биеийн тамир, спортын улсын хорооны Үндэсний шигшээ багийн бодлогын хэрэгжилтийн хэлтэс болон Спорт анагаах ухаан, эрдэм шинжилгээний төвийн ЭШССА, АУА-аас хамтран ажиллаж байна. Тэд өсвөрийн залуу тамирчдын бие бялдрын ерөнхий хөгжил болон биеийн бүтэц, баланс, сэтгэл зүйн байдал, хоол шим тэжээлийн байдлыг сорил тест болон асуумжийн аргаар судлах, суурь судалгааны мэдээлэл цуглуулж байгаа юм. Мөн өсвөрийн тамирчидтай ажиллаж байгаа дасгалжуулагч нарыг орчин үеийн спортын шинжлэх ухаан, анагаах ухааны мэдлэг, мэдээллээр хангах сургалт судалгааны ажлыг зохион байгуулж байна.

Хийгдэх ажил:

1. Орон нутгийн өсвөрийн тамирчдаас авах түүвэр судалгаа хийх:

• Бие бялдрын ерөнхий хөгжлийн тодорхойлох хэмжилтүүд хийх;

• Биеийн ерөнхий бүтцийг тодорхойлох;

• Булчингийн ажиллах чадварын сорил авах;

• Сэтгэл зүйн сорил авах;

• Хоол шим тэжээлийн судалгаа авах.

2. Өсвөрийн тамирчдын багш, дасгалжуулагч нарт зориулсан сургалт:

• Спортын шинжлэх ухаан

• Спортын анагаах ухаан

• ҮШБ-ийн мэдээлэл

Бүрэлдэхүүн:

САУЭШТ-ийн ЭШССА-ны дарга Б.Батцэнгэл, Эрдэм шинжилгээний ажилтан Б.Ганзориг, А.Зул

АУА-ны их эмч – Ц.Мөнх-Эрдэнэ

ҮШББХХ-ийн өсвөрийн шигшээ багийн асуудал хариуцсан мэргэжилтэн И.баттүшиг нар ажиллаж байгаа юм.