Киргизстан Улсын нийслэл Бишкек хотод болж буй чөлөөт бөхийн "U17" насны ангиллын Азийн аварга шалгаруулах тэмцээн болж байна. Тус Азийн аваргад  баоилдсан Сэлэнгэ аймгийн Орхонтуул сумын харьяат, "Таван хан ноён" клубийн тамирчин Батсайханы Занданбат хөвгүүдийн 60 кг-ын жинд хүрэл медалийн эзэн боллоо. Тэрбээр өчигдөр үдээс өмнө тэгшитгэлийн барилдаанд Иракын Абдулазеез Аль Хайдериг 6:0-ээр, шөвгийн наймд Японы Котэцү Кюүдэнийг 11:1-ээр ялсан ч хагас шигшээд Ираны Саид Голамхассан Пирдаянд 8:4-өөр ялагдсан.

             Харин хүрэл медалийн төлөөх барилдаанд Узбекистаны Шамшиддин Жумабоевыг 11:0-ээр яллаа. Б.Занданбат Бишкекийн дэвжээнээс манай өсвөрийн бөхчүүдээс цорын ганц хүрэл медалийг хүртэж байна. Өнөөдөр “U23” насны ангиллын өрсөлдөөн сонгомол бөхийн төрлөөр эхэлнэ.