Японы мэргэжлийн сүмо бөхийн тамирчин Хокусейхо Даваанинж барилдаан байхгүй амралтын хугацаандаа Монголдоо иржээ. Түүнийг өнөөдөр 14:00 цагаас БТСУХ-ны даргын үүргийг түр гүйцэтгэгч О. Баттулга, Олимп, нийтийн БТС-ын үндэсний хорооны ажлын албаны дарга Э. Тэмүүжин нар Спортын төв ордны 303 тоот дахь хүндэтгэлийн танхимд хүлээн авч уулзана.

           Тэрбээр Хакухо аваргын анхны монгол шавь нь юм. Хокусейхо Даваанинж нь дээд зиндаанд дэвшин орж хоёр тэмцээнд барилдаж 50-аас дээш хувийн амжилт үзүүлэн сайн барилдаж яваа. Түүнд монголчууд амжилт хүсэн ирээдүйн аварга болох бөх гэж итгэл үзүүлж байгаа билээ. Түүний биеийн өндөр  202 см, биеийн жин нь 165 кг бөгөөд  одоо барилдаж байгаа монгол бөхчүүдээс хамгийн өндөр нь юм.