Хөнгөн атлетикийн Монгол Улсын аварга шалгаруулах тэмцээн энэ сарын 25-26-ны өдрүүдэд Найлах дүүрэгт болно.  Улсын аваргын тэмцээн эмэгтэйчүүдийн 100, 200, 400, 800, 1500, 5000, 10000 м-ийн зайн гүйлт, 4х100, 4х400 м-ийн буухиа гүйлт, уртын харайлт, гурвын харайлт, бөөрөнцөг түлхэлт, зээрэнцэг шидэлтийн төрлөөр явагдана. Мөн эрэгтэйчүүдийн 100, 200, 400, 800, 1500, 5000, 10000 м-ийн зайн гүйлт, 4х100, 4х400 м-ийн буухиа гүйлт, уртын харайлт, гурвын харайлт, зээрэнцэг шидэлт, бөөрөнцөг түлхэлтийн төрлөөр болох юм. Тамирчдыг мэдүүлгийг 23-ны өдөр хүртэл авна. Мөн энэ сарын 23-ны өдрийн 10:00-18:00 цагийн хооронд тамирчдын мандатыг олгоно. Улсын аварга шалгаруулах тэмцээний техникийн зөвлөгөөнийг  энэ сарын 24-ний өдрийн 18:00 цагт Спортын төв ордны 308 тоотод хийх юм байна.