МҮОХ, БТСУХ, Засгийн газрын хэрэгжүүлэгч агентлаг Боловсролын ерөнхий газар, Монголын үндэсний олимпын академиас хамтран “Олимпын боловсрол ба бие бялдрын хүмүүжил” сэдэвт болзолт уралдааныг 2023 оны нэгдүгээр сарын 10-наас тавдугаар сарын 10-ны хооронд дөрвөн үе шаттайгаар нийт ЕБС- иудын дунд зохион явуулсан билээ.

Болзолт уралдааны шилдгүүдийг тодруулж, шагнал гардуулах ёслолын ажиллагаа өнөөдөр БШУЯ-нд боллоо.  

-Аймаг, дүүрэг бүрээс шалгарсан шилдэг 30 ерөнхий боловсролын сургууль

-Аймаг, дүүрэг тус бүрээс шалгарсан шилдэг 30 биеийн тамирын багш

-Шилдэг таван БТСГ

-Шилдэг таван БШУГ

-Шилдэг таван олимпын танхим

-Шилдэг таван олимпын зөвлөл тус шалгарч, шагнал, урамшууллаа гардан авлаа.

           Болзолт уралдаан нь Монгол Улсын хэмжээнд олимпын хөдөлгөөнийг сурталчлан таниулах, сурагчдын олимпын боловсролыг дээшлүүлж, бие бялдрын өв тэгш хүмүүжил олгох, Олимпын зөвлөл болон Олимпын танхимуудын үйл ажиллагааг эрчимжүүлэн хамтын ажиллагааг нэмэгдүүлэх зорилгоо бүрэн биелүүллээ.

             Олон талын ач холбогдолтой энэхүү болзолт уралдаанд 21 аймаг, 9 дүүргийн хэмжээнд 300 гаруй сургууль идэвхтэй хамрагдсан бөгөөд аяны хүрээнд 100 гаруй сургууль олимпын танхимаа шинэчлэн тохижуулжээ.

             Болзолт уралдааны явцад үндэсний болон олон улсын хэмжээний сургалт, семинар, уулзалт, хэлэлцүүлэг, зөвлөгөөн, дугуй ширээний ярилцлага, эрдэм шинжилгээний онол, практикийн бага хурал, бүх нийтийн өдөрлөг зэрэг 15 арга хэмжээ зохион байгуулагдлаа. Түүнчлэн болзолт уралдааны хүрээнд нийт 900 орчим арга хэмжээ зохиогдож, эдгээрт сурагч, багш ажилчид, эцэг, эхчүүд нийлсэн 300 мянга гаруй хүн хамрагдсан байна.

           Энэ жилийн болзолт уралдааныг ОУОХ-ны эв санааны нэгдлийн хөтөлбөрөөс дэмжиж, санхүүжилтийн тодорхой хувийг гаргаснаараа онцлог байв. Энэхүү арга хэмжээ нь олимпын соёл, олимпын боловсрол болон олимпын үнэт зүйлсийг сурагчдад эзэмшүүлэх, бие бялдрын хүмүүжил ба бие бялдрын өв тэгш хөгжлийг өсвөр үеийнхэнд олгох болон тэдний ёс зүй, хүмүүжил, төлөвшлийг дээшлүүлэх, хүүхдийн спортыг дэмжих, Монгол Улсын Ерөнхийлөгчийн санаачилсан “Эрүүл Монгол хүн” үндэсний хөдөлгөөнийг хэрэгжүүлэх байлаа.

          Олимп, нийтийн биеийн тамир, спортын Үндэсний хорооны үйл ажиллагааны төлөвлөгөөнд болзолт уралдааны зохион байгуулалтыг тусган оруулах, биеийн тамирын багш, дасгалжуулагчдын мэргэжлийн мэдлэг, ур чадвар ба хариуцлага, хөдөлмөрийн үнэлэмж, бүтээлч санаачилгыг нэмэгдүүлэх зэрэг асуудалд нөлөө үзүүлсэн болохыг онцлон тэмдэглэж байна.