Монгол Улсын ууган үйлдвэр "Сүү" хувьцаат компани болон Монголын шатрын холбоо, "Босоо Ноён" шатрын клуб хамтран хүүхэд багачуудын оюун ухаан, сэтгэн бодох чадварыг бага наснаас нь хөгжүүлэх, шатрын спортыг олон нийтэд сурталчлан таниулж, түгээн дэлгэрүүлэх зорилгоор "Сүү" ХК-ийн нэрэмжит өсвөрийн шатарчдын тэмцээн"-ийг зохион байгуулахаар болжээ. Тус тэмцээн энэ сарын 25-27-ны өдрүүдэд “Holiday Lnn Ulaanbaatar” зочид буудалд болно. Тэмцээн долоо хүртэлх, 8-9, 10-11, 12-13, 14-18 насны ангиллаар болох юм. Энэ удаагийн тэмцээн Швейцарь системээр есөн өргөөр явагдана.