Америкийн үндэсний сагсан бөмбөгийн холбооны аваргын төлөөх цувралын хоёр дахь тоглолт өнөөдөр “Денвер Наггетс” багийн талбайд болж өндөрлөлөө. Хоёр дахь тоглолтод “Майами Хит” баг 111:108-ын харьцаатай ялалт байгуулж, цувралын харьцааг 1:1 болгож тэнцүүлэв.

                         Тоглолтод, “Майами Хит” багийн лидер Жимми Батлер 21 оноо авч, есөн самбараас бөмбөг авалт, дөрвөн оновчтой дамжуулалт өгч, тус багаас таван тоглогч 10-аас дээш оноо авч, сайн тоглолт үзүүлжээ. Харин “Денвер Наггетс” багаас Никола Йокич 41 оноо авч, 11 удаа самбараас бөмбөг авсан байна.

Аваргын төлөөх цувралын гурав дахь тоглолт ирэх пүрэв гарагт “Майами Хит” багийн талбай дээр болно.