Олон улсын жүдогийн холбоо (IJF)-ны ээлжит Гранпри тэмцээн зургадугаар сарын 2-4-ний өдрүүдэд Тажикистаны нийслэл Душанбед боллоо. Сүүлийн өдөр манай улсаас -100 кг-ын жинд "Женко" клубийн тамирчин ОУХМ Батхуягийн Гончигсүрэн “А” хэсгийн нэгдүгээр тойрогт гоц мөргөн хийлж, ялалт авсан. Хоёрдугаар тойргийн барилдаанд Казахстаны Bekarys Saduakas-г ялсан. “А” хэсгийн аваргын төлөө Оросын Danirl Mukete-г буулган авсан. Харин шөвгийн дөрөвт оросын өөр нэг бөх Matvey Kanikovskiy-тай барилдаж ялагдсан юм. Тэрбээр Данийн бөх Mathias Madsen-той хүрэл медалийн төлөө барилдаж яллаа.