Марафон гүйлтийн тамирчин Б.Мөнхзаяа “Рио-2016”, “Токио-2020” олимпын наадам, “Лондон-2017”, “Доха-2019” дэлхийн аварга шалгаруулах тэмцээнд эх орноо төлөөлөн оролцсон тамирчин билээ. Үндэсний шигшээ багийн тамирчин ОУХМ Баярцогтын Мөнхзаяа “Улаанбаатар марафон” олон улсын гүйлтийн тэмцээнд долоон удаа зохион байгуулагдахад зургаад нь буюу 2015, 2016, 2017, 2018, 2022, 2023 онд түрүүлээд байна. Б.Мөнхзаяа 3000, 5000, 10000 метр, хагас марафон, бүтэн марафон гүйлтийн зайд Монгол Улсын рекорд амжилтыг эзэмшдэг бөгөөд улсын аваргаар 20 удаа тодорсон тамирчин юм.