Шатрын 2023 оны Ази тивийн аварга шалгаруулах тэмцээн Казахстан Улсын Алмата хотноо зохион байгуулагдах юм. Энэ удаагийн Азийн аваргад  Монгол Улсаас дэлхийн шатрын мастер, Дэлхийн шатрын холбооны дасгалжуулагч, Үндэсний шигшээ багийн дасгалжуулагч С.Ган-Од ахлагчтай зургаан тамирчин оролцохоор хөлгийн жолоо залсан билээ.

Дэлхийн шатрын холбооны шүүгч Э.Номин мөн тус тэмцээнд шүүгчээр ажиллана.

ЭРЭГТЭЙ АНГИЛАЛ:

GM С.Билгүүн

GM Ц.Батчулуун

FM Э.Баасансүрэн

ЭМЭГТЭЙ АНГИЛАЛ:

IM Б.Мөнгөнтуул

WGM Т.Мөнхзул

WCM Х.Баясгалан

Энэ жилийн тивийн аварга шалгаруулах тэмцээнд 17 орны 130 тамирчин оролцохоор бүртгүүлээд байна. Нээлттэй ангиллын эхний дөрвөн байр, эмэгтэй ангилалын эхний хоёр байрыг эзэлсэн тамирчид 2023 оны "ДЭЛХИЙН ЦОМ"-ын тэмцээнд оролцох эрхээ өвөртөлнө. Тэмцээний техникийн зөвлөгөөн зургадугаар сарын 3-ны өдөр өнөөдөр болно. Харин эхний өргийн тоглолт зургадугаар сарын 4-ний өдөр Монголын цагаар 17.00 цагаас эхэлнэ.