Монголын сагсан бөмбөгийн холбооны гадаад хамтын ажиллагаа амжилттай үргэлжилж байгаа. Үүний нэг тод жишээ гэвэл FIBA&NBA хамтарсан хөтөлбөрт Э. Ирмүүн, Н. Нандинхүсэл, Б. Болор-Эрдэнэ нар шалгарсан юм. Тэд Арабын Нэгдсэн Эмират Улсын Абу Даби хотод болох олон улсын сургалтад хамрагдахаар явлаа. NBA, WNBA-гийн тоглогч, дасгалжуулагчид кэмпийг удирдах ба тэдний удирдлага дор Азийн шилдэг хүүхдүүдийн хамт бэлтгэлд хамрагдана. Монголын сагсан бөмбөгийн холбооноос өсвөр үеийн ирээдүй болсон тоглогчдыг олон улсад тоглож, хөгжих боломжийг олгохыг зорин ажиллаж байна.