Монгол Улсын Үндэсний шигшээ багуудын нэрэмжит спорт холбоодын дунд явагдсан сагсан бөмбөгийн тэмцээн өндөрлөв. Биеийн тамир, спортын улсын хорооны "Үндэсний шигшээ багийн бодлогын хэрэгжилтийн хэлтэс"-ээс зохион байгуулсан тус тэмцээнд Спортын холбоодын эрэгтэй 13, эмэгтэй дөрвөн баг оролцон хоёр өдөр өрсөлдөж аваргуудаа тодрууллаа.

         Тэмцээний эрэгтэйчүүдийн төрөлд Спортын сэтгүүлчдийн холбоо хүрэл медаль, Рагбигийн холбоо мөнгөн медаль авсан бол аваргын алтан медалийг Хөл бөмбөгийн холбооны баг тамирчид хүртлээ. Харин эмэгтэйчүүдийн төрөлд хүрэл медалийг Монголын боксын холбоо, мөнгөн медалийг Монголын Жүдо бөхийн холбоо, аваргын алтан медалийг Монголын цанын холбоо тус тус хүртжээ.