Монголын иогчдын холбооноос зохион байгуулсан иогийн гурав дахь удаагийн Фестиваль энэ сарын 21-ний өдөр “Blue Sky Hotel & Tower”-т амжилттай болж өндөрлөлөө. Тус арга хэмжээнд Энэтхэг Улсын Элчин Сайдын яам, Засгийн газрын тохируулагч агентлаг Биеийн тамир, спортын улсын хороо хамтран ажилласан бол “MCS Coca Cola” ХХК-ны “Powerade” брэнд алтан ивээн тэтгэгчээр, “Боза” брэнд, “Мега Инженеринг” ХХК, “Мойл” брэнд, “Intercontinental Consultants and Technocrats” компани мөнгөн ивээн тэтгэгчээр оролцжээ.

         Энэ удаагийн фестивальд гадаад дотоодын шилдэг багш нарын 30 гаруй төрлийн иог бясалгалын хичээл бүтэн өдрийн турш үргэлжилж өнгөрлөө. Тус фестивалиар Монголын иогчдын холбоо иогийн анхны сэтгүүлээ эрхлэн гаргасан байна. Тус сэтгүүлийн ерөнхий ивээн тэтгэгчээр “Би Эм И Ти” компани хамтран ажиллажээ. Тэд фестивалийн билет авсан хүн бүрд “Иог” сэтгүүлээ бэлэглэсэн нь хүн бүрийн талархлыг хүлээсэн үйл явдал боллоо.