Самбо бөхийн 2023 оны залуучуудын Монгол Улсын аварга шалгаруулах тэмцээн болж өндөрлөлөө. Тус тэмцээн тавдугаар сарын 21-23-ны өдрүүдэд Сонгино хайрхан дүүргийн Спортын ордонд болов. Тус улсын авргад “Чандмань-Оргил” дэвжээнээс есөн тамирчин оролцсон байна. Эрэгтэйчүүдийн 64 кг-ын жинд 2022 оны өсвөрийн дэлхийн аварга спортын мастер Б.Батдаваа бүх өрсөлдөгчөө ялж түрүүлжээ. Ийнхүү тэрбээр аравдугаар сард Киргизстан Улсад зохион байгуулагдах залуучуудын дэлхийн аварга шалгаруулах тэмцээнд эх орноо төлөөлөн оролцох эрх авлаа.

              Мөн дэвжээнээс эрэгтэйчүүдийн 79 кг-ын  жинд Баянчандмань Политехник коллежийн сурагч Б.Мөнх-эрдэнэ хүрэл медаль, 88 кг-д Э.Маргад-Эрдэнэ, эмэгтэйчүүдийн 50 кг-д Н.Ундрахбаяр, 65 кг-ын жинд Б.Арвин, 72 кг-д Д.Номин нар хүрэл медаль хүртжээ. Эрэгтэйчүүдийн 64 кг-ын жинд А.Буяндорж шагналт тавдугаар байрт орсон байна. Ийнхүү  “Чандмань-Оргил” дэвжээ нэг алт, таван хүрэл медаль хүртэж, эрэгтэй багийн дүнгээр дөрөвдүгээр байрт шалгарч амжилттай оролцжээ.