Итали Улсын Жесоло хотноо  пара хөнгөн атлетикийн олон улсын гран при тэмцээн боллоо. Тус тэмцээнд нийт 57 орны шилдэг 700 гаруй тамирчин хүрд хүч авхаалж самбаагаа сорин оролцсоноос Монголын пара хөнгөн атлетикийн Үндэсний шигшээ багийн Төмөрсүрэнгийн Мядагмаа “F57” ангиллын бөөрөнцөг түлхэлтээр гуравдугаар байр, зээрэнцэг шидэлтээр дөрөвдүгээр байр тус тус эзэлж хувийн амжилтаа ахиулжээ. Тэрбээр Франц Улсын Парис хотноо зохион байгуулагдах пара хөнгөн атлетикийн дэлхийн аварга шалгаруулах тэмцээнд оролцох эрхээ авлаа.