"Эрүүл мэндийн цахим гүйлт 2023" СТРАВА апплейкшн ашиглан долоо хоног амжилттай зохион байгуулагдаж өндөрлөлөө. Улсын хэмжээнд 7852 гүйлт бүртгэгдэж нийт 40271 км замыг амжилттай туулсанаас шилдэг 48 гүйгчийг шалгаруулжээ. Энэ удаагийн "Эрүүл мэндийн цахим гүйлт 2023" биеийн тамирын арга хэмжээнд пара болон ахмадын ангилал нэмж оруулсан нь 2021 оны гүйлтээс онцлог болж байгаа юм.

             Баруун бүсийн эрэгтэйчүүдийн гүйлтийн тэргүүн байрт Баян-Өлгий аймгийн Б.Алтынбек, эмэгтэйчүүдээс Х.Тосысай, Зүүн бүсийн тэргүүн байрт Дорнод аймгийн Д.Цогтжаргал, эмэгтэйчүүдээс Б.Тэргэл, Төвийн бүсийн тэргүүн байрт Өмнөговь аймгийн Ц.Давааням, эмэгтэйчүүдээс О.Нямцэрэн, Хангайн бүсийн тэргүүн байрт Өвөрхангай аймгийн Б.Бямбахүрэл, эмэгтэйчүүдээс Булган аймгийн З.Нина, Нийслэлийн бүсийн тэргүүн байрыг Налайхын Л.Дамдинсүрэн, эмэгтэйчүүдээс Сонгинохайрхан дүүргийн М.Дуламсүрэн нар шалгарсан байна.

           Харин пара ангиллын эрэгтэйчүүдийн тэргүүн байрыг “Ахиллис Монгол”-ын Б.Батзориг, эмэгтэйчүүдийн тэргүүн байрыг М.Мөнхчимэг, тэргэнцэртэй ангиллын тэргүүн байрыг эрэгтэйчүүдээс “Ахиллис Монгол”-ын Б.Эрдэнэтөгс, эмэгтэйчүүдээс Ч.Тунгалагтуяа нар оржээ. Ахмадын ангиллын эрэгтэйчүүдийн тэргүүн байрыг БЗД-ийн Ш.Батсүх, эмэгтэйчүүдийн тэргүүн байрыг Хан-Уул дүүргийн С.Эрдэнэцэцэг эзэлсэн байна.